מסילת ישרים

ישיבת מסילת ישרים עפנט אירע טויערן בס''ד חשון תשפ''ה לפ''ק, די ישיבה פארשפרעכט צוצושטעלן תורה ועבודה מיט יראת שמים, אינטערן אויפזיכט פונעם חשוב'ן ראש ישיבה הרה''ג ר' יעקב יואל שעהר שליט''א (בן הגה''צ אבדק''ק קלעסאן שליט''א) א מחנך ומרביץ תורה נפלא פאר די לעצטע 15 יאר. אזוי אויך פערפעשענעל הדרכה און יעוץ פאר יעדן בחור פריוואט, צו קענען אויסשטייגן בס''ד, תחת הדרכת מחנך וממוחה מופרסם הרב חנוך ראזנבערג שליט''א. ר' חנוך איז עוסק אוועקצושטעלן בחורי חמד אויף די פוס שוין איבער 30 יאר כולן שוין לטובה, און וועט בעז''ה זיך אפגעבן אין ישיבה מיט יעדן בחור באזינדער.  די ישיבה שטייט ארויס אייגנארטיג מיטן צושטעלן א מקום פאר ערליכע חסידיש'ע בחורים וועלעכע ווילן מיטהאלטן א ערנסטע מסגרת און בחדא מחתא אויסשטייגן,על אף זיי האבן מילדע שוועריקייטן. אזוי אויך שטייט די ישיבה ארויס מיטן צושטעלן 'פערפעשענאל הילף' אויף גאר א הויעכע ניווא בס''ד.

די ישיבה פארמאגט אויך א דאמעטארי, פאר בחורים וועלעכע ווילן מקיים זיין דעם 'הוי גולה למקום תורה', פארשטייט זיך אז דאס ווערט באגלייט מיט א געטרייע השגחה, דורכן באקאנטן מחנך ומרביץ תורה הרב יואל גוטמאן שליט''א.